Жаңалықтар

     Дауқара орта мектебінде “Достық” жазғы лагері қызықты өтуде!

     Жаз – балалар үшін шаттық пен шытырманға толы керемет мезгіл. Осыны ескере отырып, Дауқара орта мектебінде дәстүрлі түрде ұйымдастырылған “Достық” жазғы лагері өз жұмысын бастады. Басты мақсат – оқушылардың жазғы демалысын пайдалы әрі қызықты өткізу.

Лагерь күн сайын қызықты әрі мазмұнды іс-шараларға толы. Таңғы жаттығудан басталып, түрлі ойындар, шығармашылық жұмыстар, спорттық жарыстар мен зияткерлік сайыстар балалардың белсенділігі мен достық қарым-қатынасын арттыруда.

    “Достық” лагерінің ерекшелігі – әр күннің өзіндік тақырыбы мен ұраны бар. Балалар сурет салып, ән айтып, топпен бірге түрлі жобалар жасап, таза ауада уақыттарын тиімді өткізуде. Сонымен қатар, табиғат аясында серуендер мен экологиялық тәрбиелік сағаттар ұйымдастырылып, балалардың қоршаған ортаға деген сүйіспеншілігі қалыптасуда. Жазғы лагерь балалар үшін ұмытылмас естеліктер мен жаңа достықтарға толы керемет ортаға айналды. “Достық” лагерінің әр күні – қуаныш пен шаттыққа толы!