Бүгін Республикалық экологиялық «Жасыл апта» челленджі аясында мектеп ұжымы белсенді қатысып, табиғатты қорғау жолында өз үлестерін қосты. Мектеп ауласын тазалау жұмыстары жүргізіліп, айналаны ретке келтіру, қоқыстарды жинау, жасыл аймақтарды күтіп-баптау сияқты игі істер атқарылды.
Бұл шараның басты мақсаты – қоршаған ортаға деген жауапкершілікті арттыру, табиғатты аялауға тәрбиелеу және оқушылардың экологиялық мәдениетін қалыптастыру. Осындай пайдалы жұмыстар арқылы біз туған жеріміздің тазалығы мен көркеюіне өз үлесімізді қосып, бірлігімізді көрсеттік.
Табиғатты қорғау – әрбір азаматтың міндеті. Сондықтан алдағы уақытта да осындай игі бастамаларға белсенді қатыса береміз! 
